Китапханәгә экскурсия

2017 елның 13 июле, пәнҗешәмбе

Китапханәдә китапханәче  балаларны кунакчыл каршылады һәм китаплар дөньясына мавыктыргыч  сәяхәт ясарга  тәкъдим итте. Балалар зур кызыксыну һәм әсирләнгән карашлары белән китапханәченең сөйләвен тыңладылар. Ул балаларны китаплар, журналлар коллекциясе белән таныштырды, китаплар белән дөрес мөгамәләдә булу, китапны ничек сайлап алу, абунәдә һәм уку залында үзеңне ничек тотарга кирәклеге турында сөйләде. Балалар  аларның китапханәдә нинди принцип буенча урнашулары, балаларның нәрсә укырга яратулары турында белделәр. Балалар матур итеп стеллажларга куелган тышлары төрле төстәге китапларны бик гаҗәпләнеп, ә кемдер тын да алмыйча карады.  Шулкадәр күп китапны балалар беркайчан да күрмәгәннәр булып чыкты.

Татьяна Александровна “Вовка в Тридевятом царстве” исемле мультфильм күрсәтте һәм балалар белән әкияти викторина үткәрде, аларга балалар бик теләп җавап бирделәр.

Экскурсия балаларда зур тәэсирләр калдырды. Алар китапханәдән китәргә теләмәделәр. Китапханәгә бару барысына да ошады. Балаларны китап мәдәниятенә тарту, күп белергә теләүчән, грамоталы кеше тәрбияләү бик мөһим.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International