Алексеевск аграр колледжында куркынычсызлык техникасы буенча өйрәтү булды

Аграр колледж базасында район җитәкчеләрен һәм агросәнәгать комплексы белгечләрен куркынычсызлык техникасы буенча өйрәтү булды.

Татарстан агробизнес кадрларын яңадан әзерләү институты укытучылары  авыл хуҗалыгы производствосында тизләтелгән кырык сәгатьлек курс үткәрделәр. Укыту-методик үзәк җитәкчеләре Фәрит Әхмәтов һәм доцент Ирек Хафизов җитәкчеләргә, баш инженерларга һәм район авыл хуҗалыгы предприятиеләренең кул асларында өчтән артык хезмәтчән эшләгән башка хезмәткәрләренә хезмәтне саклау буенча лекцияләр укыдылар. Лекторлар хезмәтне саклау  өлкәсендәге яңалыклар, норматив-хокук базасындагы үзгәрешләр турында сөйләделәр, ачык мисалларда производствода травмаларга китерүче төп хаталарны тикшереп ачыкладылар.