«Быел уңыш мул булды!»

Кама аръягы Татарстанның игенгә бай ягы булып тора. Биредә ел саен республиканың бөтен ашамлык бодаеның 40-45% ын үстерәләр.

– Бу бөртек сыйфаты буенча Казахстанныкына туры килә, – дип саный Айрат Хәйруллин. – Ә менә кайберәүләр, Татарстанда фуражлык ашлык кына үстерәләр, диләр. Бу бер дә алай түгел! Бары тик технологияне үтәп кенә әйбәт уңыш үстерергә мөмкин. Быел игеннәр каерылып уңганлыктан, без шәһәр кешеләрен сыйфатлы икмәк белән тәэмин итә  алачакбыз, дип ышанам.