Алексеевск студентлары бәйрәме

Алексеевск аграр көллиятендә Студентлар көне күңелле үтте. Татьяна көнендә иң яхшы студентларны бүләкләделәр. Студентлар фестиваленә районның яшьләр сәясәте лидерлары чакырылды. Көллият директоры Марина Афанасьева балаларны бәйрәм белән котлады һәм студент елларын гомер буе истә калдыруларын теләде. Колледж активистларын «Форпост» һәм «Импульс»яшүсмерләр клубы хезмәткәрләре бүләкләде. Ә Яшь гвардиячеләр егетләр һәм кызлар белән интеллектуаль квиз үткәрде. Балалар үзләре үк матур һәм күңелле концерт программасы әзерләгәннәр.